Fii dinanu fi nettali lenn ci ay xew-xew amoon Mayomba ba Sëriñ Bi di wax ak géej gi ak wiir-wiir, raglu gi ak doywaar gi. Jàmbarug Sëriñ Bi, fit wi ak bàyyee boppam Boroomam dina fi feeñee itam. Waaye it ni ko sunu Boroom taxawoo ci lépp.
Nu ngi sàkku ñépp ñaanal Sëriñ Mbay Géy Sill, njégalu sunu Boroom, yërmandeem ak ngërëmam. Ci 5i xaaj bi danu fiy xamle xew-xew ya amoon ba Sëriñ Bi duggee ci gaal gi niki ka ko doon tooñ. Ab nekkam Libreville ak tiis ya, natu ya, naka noonu ya Lambaréné ak feneen. Nga xammee ci mën […]
